KRALENDIJK- Djarason a selebrá e echo ku Delfins Beach Resort a kumpli 5 aña di eksistensia. Pa e okashon tabatin un fiesta i David Rietveld a partisipá su retiru. 

“Mi ta kontentu ku boso ta aki. Delfins Resort a krese. Ya ta 6 aña durante 5 aña Delfins Resort, a desaroyá awor ta hopi mas grandi i amplio kompará ku na komienso”, asina Rietveld a bisa. A laga mira riba pantaya grandi, tur ku tabata presente, kon a kuminsá ku konstrukshon di e Resort 5 aña pasá.

“Un tim nobo, ta bai tin un tim nobo ku ta bai atendé ku Delfins Resort. Ami ta stòp. Hopi nos a logra i mi ta orguyoso di esei. Nos ke a realisá algu mas, pero gobièrnu no a logra duna pèrmit durante e sinku aña pa por a realis’é. Ta di lamentá, pasobra ta un nechi proyekto i semper nos a traha segun regla. Mi ta gradisí tur hende i tin un hende ku mi pone den lus awe. Esei ta Cisca Rietveld.”  

Despues a yama Chris Opgenoort, e General mènedjer nobo di Delfins Resort dilanti esnan presente. David a entrega Chris un yabi simbóliko. Despues Chris a papia di plannan ku tin pa sigui ku e bon servisio i mas kos na kaminda pa futuro di Delfins Resort. 

Dos persona mas a papia pa medio di un konferensia di video, ta trata di Jonnie en Therrese Boer.

Despues a papia direktor di TCB, Miles Mercera a hiba palabra. “Boneiru tin un vishon i  Delfins Resort, ta kontribuí na esaki.” Asina el a amplia riba mas punto, manera e proyekto di Delfins Resort, ta presis e direkshon ku nan ke pa Boneiru bai. El a haña un fuerte aplouso pa loke nan u el a papia. 

Danki

Gerrit Tijhuis tambe a papia tokante e idea pa konstruí e resort. Thijhuis a gradisí e pareha David i Cisca Rietveld i a entregá na nan un ènvelòp ku kontenido.