Kralendijk- Un avion di e kompania di aviashon brasilero, Itapemirim òf ITA Compañia Aérea, ayera a hasi un fyul stòp na Boneiru pa sigui riba su ruta pa Belo Horizonte, Brasil.

E avion ku ainda tin e kolónan di e operador antiguo di India, IndiGo a hasi un parada tambe na Havana, Cuba, promé ku a bula bin Boneiru na unda a kue mas fyul.

E kompania ta den fase di kuminsá su buelonan nan Brasil. Siman pasá e kompania a logra obtené su Air Operator Certificate (AOC), ku ta nifiká ku pronto e lo por kuminsa operá. Nan tin un Airbus A320 kaba. E avion ku a para na Boneiru ayera ta bai fortifiká e fleta. E kolo hel ku e kompania lo bai usa, ta hasi ku ta mira mesora ora un avion di ITA subi òf baha.

For di dia ku e kompania Ocean Air, ku tabata operá bou di nòmber Avianca Brasil a bati bankarota, hopi biahero tabata ke a mira un operadó nobo den merkado brasilero. Despues di algun kontratiempo i retraso, ta parse ku ITA lo bira tòg un realidat.