Kralendijk- Pa dia 19 di mei Boneiru lo haña e kódigo hel bèk di gobièrnu hulandes. Esaki ta nifiká ku ta konsiderá e isla ‘seif’ komo destino pa biaha, pa loke ta trata e situashon di Covid.

Kòrsou i Aruba ta haña kódigo hel for di djasabra awor, pero sierto kambionan nan nivel di Reino, pa loke ta trata e nivel di rieso di Boneiru, komo pais, ta kousa ku pa Boneiru esaki lo ta e kaso kuminsando dia 19 di mei.

Te asina leu Hulanda tabata kalifiká hinter mundu ‘korá’ o sea tabata deskonsehá biahe den su totalidat. E kambio di Aruba, Boneiru i Kòrsou pa kódigo hel ta hopi importante pa turismo di e islanan.