WILLEMSTAD – Durante un aksidente pegá ku Palu Blanku tabatin tres herido, entre kua e shofùr di Forensys, ku tabata atendiendo un aksidente ku a sosodé nèt algu promé .

Dos shofùr ku tabata sintá den e outo di Forensys pa yena e formulario ku mester yena na momentu di un aksidente tabata embolbí den e aksidente.

Na e momentu ei un otro outo a dal ku velosidat hopi haltu den e minibùs i a bai dal seguidamente den un di e outonan ku tabata embolbí den e promé aksidente. E choke a ekpulsá e personanan for di e outo i nan a bin kai den roi.