WILLEMSTAD – Polis ta bai investigá notisianan provokativo riba medionan sosial kontra polis. Motibu pa esaki ta e aktuashon di polis djadumingu último durante Gran Marcha.

Tabatin algun insidente violento ku a tuma lugá ku nan a filma tambe i ku  ta  riba medianan sosial. Den e notisianan ei nan ta ekspresá menasa kontra ámtenarnan polisial spesífiko i kontra polis en general.

Segun polis e insidentenan a sosodé ku personanan ku no kier a sigui instrukshonnan di polis.

Marcha di despedida

Tin persona ku ta hasi yamada via medionan sosial pa resistí ku polis promé, durante i despues di e marcha di despedida awe nochi.

Den e kuadro di e maneho ojo-por-ojo  di Ministerio Públiko lo aktua duru kontra personanan ku ta violá lei. “Ta pidi personanan, ku ta pensa di daña e ambiente pa gran parti di e pueblo ku si ta tene nan mes na reglanan, kortes pero ku firmesa pa keda kas”, segun Ministerio Públiko den un deklarashon di prensa.