WILLEMSTAD – Djaluna atardi 8 di mei polis ta haña yamada pa bin Mahokstraat pa un kaso remarkabel. Segun Èxtra un hòmber a hòrta yabinan di outo di un señora i a kore dal su outo intenshonalmente kontra palunan di lus i kasnan.

Polis a yega na e sitio i a enkontrá un outo mal di dal. For di e promé deklarashonnan di e víktima a bin sali na kla ku un hòmber a sali for di su propio outo, hòrta yabinan di outo di e señora pa despues drenta e outo. E sospechoso a dal e outo diferente biaha konsientemente kontra palunan di lus i muraya di kasnan den Mahokstraat.

Ora el a haña ku a hasi sufisientemente daño na e outo, e hòmber a baha for di e outo, bai su propio outo bèk i a bandoná e sitio di e insidente. E señora a keda atras ku su outo ku a risibí hopi sla. A konsekuensia di e insidente aki e víktima a hasi denunsia kontra e hòmber. a logra lokalis’é. Outoridatnan sinembargo ta na altura di su identidat i ta spera ku pronto lo deten’é. E investigashon ta andando ainda.