KRALENDIJK – E aerolínea di St. Maarten, WINAIR, lo ta reanudando biahanan pa Boneiru for di yüli 2023. E biahanan di for di i pa St. Maarten lo tin un parada intermedio na Kòrsou.

E buelonan lo tuma lugá dos biaha pa siman, riba djaweps i diadomingu. Ku e biahanan adishonal aki, WINAIR ta brinda bishitantenan e oportunidat pa biaha sin problema for di Sint Maarten i islanan biseindá pa bishitá Boneiru. Tambe ta brindá komunidat di Boneiru mas konekshon ku Kòrsou, i konekshon mihó i sin problema ku Sint Maarten, Saba i Sint Eustatius.

“WINAIR ta hopi kontentu di reanudá nos servisio pa Boneiru”, aina Michael Cleaver, direktor di WINAIR a bisa: “Nos ta orguyoso di ta e úniko aerolínea ku ta ofresé servisio na tur seis islanan Karibense Hulandes. Nos servisionan a keda suspendé debí na e konsekuensianan di COVID, pero WINAIR ta keda komprometé ku Karibe Norte i Sur, en partikular Karibe Hulandes.

Alegre

Maarten van der Scheer, CEO di Flamingo Airport di Boneiru, ta bisa ku e aeropuerto ta alegre ku regreso di e biahanan di WINAIR. “Nos ta hopi kontentu pa mira WINAIR bèk na Flamingo Airport. Tin hopi demanda pa konekshon entre islanan, i e biaha aki lo konektá komunidatnan, negoshinan, amigu i famia entre nan. E ruta nobo ta sirbi komunidat di Boneiru na diferente manera. En espesialmente, e biaha sin problema di un dia entre e islanan BES tabata un prioridat pa Flamingo Airport i su pasaheronan.”