Willemstad- Banko Sentral di Kòrsou i St. Maarten (CBCS) ke bende Banco di Caribe, pa rekuperá di e forma ei sèn ku a wòrdu saká for di e kompania di seguro ENNIA.

Ya pa algun tempu ENNIA, ku ta pertenesé na mesun doñonan ku Banco di Caribe, ta bou di kuratela di CBCS, pa motibu ku a saka hopi sèn for di e kompania aki, ku ta trese riesgo pa e asiguradonan.

Banco di Caribe, te asina leu ta un banko ku ta hasiendo ganashi. Dor di bende e banko ku un otro partido, por hinka sèn bèk den ENNIA, pa hasi e kompania aki sólido i finansieramente stabil atrobe.

No a tende reakshon di e grupo Parman, doño di ENNIA i Banco di Caribe ainda riba e plan di CBCS, pero por spera ku nan no ta di akuerdo. Ya pa basta aña CBCS i Parham ta bringando ku otro den korte. Banco di Caribe tin brènch na Kòrsou, Boneiru, Aruba i St. Maarten i na tur ta empleá mas ku 300 hende.