PHILIPSBURG – Ministernan di Hustisia di paisnan den Reino a risibí e konsepto di Kódigo di Kondukta di Ministerio Públiko di islanan Karibense durante e Konsulta Hudisial di Kuater Pais na Sint Maarten. Despues ku aprobá esaki e lo remplasá e kódigo di kondukta vigente di 2016.

Na momentu di entrega Ton Maan, e Prokuradó General, a asentuá ku segun e paisahe di trabou di Ministerio Públiko kambia, mester adaptá e organisashon interno tambe. A pone e kambionan aki den e konsepto.

E meta primario di e Kódigo di Kondukta ta pa pone énfasis riba e responsabilidat individual di e empleadonan na momentu di kumpli ku i promové kondukta adekuá, pa komplementá reglamentu formal. E Kódigo ta ekspresá normanan fundamental di Ministerio Públiko riba e isla i ta brinda un guia kon e organisashon mester aktua.

Riba e pòtrèt Prokuradó General Ton Maan ta entregá e konsepto Kódigo di Kondukta di Ministerio Públiko na e ministernan di Hustisia di Kòrsou, Sint Maarten i Hulanda.