KRALENDIJK- Riba 14 di ougùstùs señor Ronald Zwarter, ta pasa su tareanan komo hefe di Kuerpo suplente/hefe di Operashon di Kuerpo Polisial Hulanda Karibense (KPCN) pa su susesor.

Ronald Zwarter a kuminsá su karera riba promé di òktober 2019 for di ‘Eenheid leiding Noord-Nederland’ i riba promé di òktober 2023, ta regresá serka Polis Nashonal na Hulanda, despues di un periodo di 4 aña. Despues di esei, na komienso di 2024, e lo baha ku un penshun bon meresí na edat di 66 aña i despues di un karera di 45 aña na polis.

Den e añanan tras di lomba, huntu ku e tantísimo koleganan den KPCN, a hasi e organisashon mas fuerte, independiente, ku mas enfoke riba partnernan di kadena i ku mas enfoke riba futuro. Algun tim spesialisá a originá, manera e tim di Reshèrshi Digital, e tim di krímen Sibèrnetiko, e tim di FINEC. Ademas e organisashon di inteligensia a bira mas grandi i mas profeshonal i ta afiliá na Interpol i e ret di FCI.  Huntu ku algun kolega di KPCN e la forma e base  pa e Sentro Regional di Informashon  i Ekspertisio (Regionaal Informatie en Expertise Centrum (RIEC-CN)), ku ta hunga un ròl importante den e kolaborashon entre partnernan di kadena i e aserkamentu di soborno i labamentu di plaka. 

Hopi kolega lokal a krese bai den diferente funshon den kuerpo ku ta motibu ku esaki a bira  mas duradero i mas independiente. Banda di esaki den e 4 aña tras di lomba práktikamente a komponé hinter tim di maneho, inkluso e direktiva di kuerpo, di nobo na unda e, entre otro,  a duna forma na e traspaso i guia.  Ku esaki e kuerpo ta kla pa futuro i ta bon pará pa tantu Hulanda Karibense komo pa e region di Karibe.

Bon relashon

E bon relashon i kolaborashon entre koleganan di polis i Zwarter a kondusí na e éksitonan aki i pa e motibu ei e tabata un periodo bunita pa loke ta trata e desaroyonan denter di KPCN. Tokante esaki e mes ta bisa: “Hopi biaha mi ta bisa: talento ta tur kaminda. Huntu ku koleganan di KPCN i di diferente partner di kadena a hasi adelanto grandi i mi ta kontentu ku mi a kontribuí na esaki. Hopi biaha ta balotá e kompleksidat di e área di Karibe, pa e motibu aki e añanan benidero lo mi keda optenibel pa koleganan i diferente ministerio pa for di Hulanda Oropeo mi sigui kontribuí na desaroyo den e region aki. Tabata un periodo bunita i instruktivo p’ami i pa mi kasá, dor di kua semper nos lo keda kòrda bèk ku melankolia riba e kolega- i e islanan, ku awor ta mas será ainda den nos kurason.