KRALENDIJK – Un sistema temporal pa entregha di maleta na pasaheronan ku ta yega ta garantisá ku nan por sali for di aeropuerto den un periodo di tempu aceptabel apesar di e renobashonnan ku ta tumando lugá. E instalashon temporal ta nesesario durante instalashon di un bant pa entrega di maleta kompletonan nobo den sala di yegada.

Operations Officer Gregorio Matthew i Manager Landside Maintenance Edelson Clemencia a duna splikashon ariba djasabra mainta tokante e sistema temporal i e trabounan nesesario pa asigurá un fluho suave di pasaheronan.

Pa esaki, a keda kita un muraya kompleto pa pone e instalashon temporal i permití pasaheronan yega na nan maletanan. Segun Matthew, e entregha di maletanan usá sistema temporal, ku ta mayormente manual, tuma un tantu mas tempu ku di kostumber. “Sinembargo, ainda durante e momentonan mas bisi, nos tabata por asegurá ku tur hende a risibí nan maleta den un ora, hasta mesora ora tin varios avion grandi yegando na un tempu,” Matthew a bisa.

Hosdès

Ademas di personèl amentá pa pone tur maleta riba e instalashon temporal, hosdèsnnan ta wordu desplegá pa guia pasaheronan pa salida temporal.

Ta sperá ku lo tuma dos siman mas promé ku e banda nobo di entrega di maleta por wordu poni na operashon.