AMSTERDAM – Schiphol ta ámplia e zomer aki e sistema di orarionan pa kontrol di seguridat. Den fakansi di luna di mei binti porshento di tur pasahero a hasi uzo di e medida nobo kontra reinan largu. Debí na e éksito ei pasaheronan ku ta biaha pa destinashonnan pafó di Europa, manera Kòrsou, por suskribí awor.

Ta posibel pa reservá un orario pa e kontrol di seguridat tres dia promé ku biaha pa tur pasahero na Schiphol. Di e manera aki ta redusí nan tempu di warda konsiderablemente.

Un okupashon di seguridat perfekshoná, ku mil bewaker nobo, den kombinashon ku e orario i un kampaña di informashon mester pèrkurá e aña aki pa un fluho rápido. A demostrá esaki kaba den fakansi di luna di mei, ora apenas sinku porshento di e 1,1 mion pasaheronan tabatin mas ku djes minüt di tardansa na seguridat

Mañan tantu Schiphol komo KLM ta anunsiá mas tokante posibel medidanan èkstra ku mester tuma pa enfrentá e konglomerashon di zomer.