WILLEMSTAD – Den Kas Genesis un beibi a muri. E personal di kuido a bati alarma mésora i a pone outoridatnan na altura, bosero di polis Luis Curiel ta konfirmá. Kas Genesis ta forma parti di Fundashon Kalor.

E insidente a sosodé den un akohida pa tinernan ku ta na estado òf a kaba di duna lus. E beibi ku a muri tabatin dos luna.

Den konsulta ku Ministerio Públiko a disidí pa konfiská e kurpa pa laga hasi un investigashon i determiná e motibu di morto. “No tin indikashon di un krímen, pero den kasonan semehante serka muchanan menor di edat mester definí e motibu di morto. Esei ta e investigashon ku ta bai tuma lugá awor”, segun bosero di polis Luis Curiel.