PHILIPSBURG- WINAIR ta realizando biahanan di prueba ku su avion nobo di tipu ATR-42 na Aeropuerto Princess Juliana na Sint Maarten. 

E biahanan di prueba aki ta nesesario pa por obtene e permiso necesario di partinan di autoridat di aviashon di Sint Maarten pa por operá komersialmente ku e avion. 

Pa medio di e asina yamá Proving Flights, un aereolínea ta demonstrá na e regulador ku nan dominá tur elementonan di operashon di biaha ku e avion nobo. Ora nan haya e permisonan nesesario, e avion lo ser usa pa bula entre Sint Maarten i e islanan ABC. 

Ounke e promé buelo pa Boneiru a tuma lugá for di siman pasá, WINAIR ta usa avionnan di su partner, Air Antilles. E promé buelo di prueba di djasabra a wòrdu ehekutá islanan besino Antigua i St. Lucia.