KRALENDIJK – Un tim konsistiendo di hóbennan di 15 i 16 aña a gana djasabra último, 14 di òktober, e torneo internashonal di debate “Building Bridges”.

Esaki tabata e promé aña di Building Bridges, ku Debatunie i Debate a organisá na Kòrsou. Despues di un siman largu di aktividatnan di kultura i debate Boneiru a kualifiká pa e final.

Den e final Boneiru a debatí kontra e A-tim di Kòrsou ku un ponensia tokante rehabilitashon. Despues di e debate e hurado a vota unánimamente  pa Boneiru i a koroná Boneiru komo kampeon.

Building Bridges ta un proyekto ku ta trese  hóbennan di Kòrsou, Aruba, Boneiru i Sürnam huntu pa interkambio kultural, tayernan den diferente ámbito i un torneo di debate. Skolnan di Sürnam, Kòrsou, Aruba i Boneiru a partisipá i via rondanan preliminar a yega na final di e torneo di tres dia.