Kralendijk- Den e periodo enre 2012 i 2019 e kantidat di turista ku a bishitá Boneiru a subi ku mas ku 300%. Esaki por dedusí for di sifranan ku a wòrdu kompilá pa Centraal Bureau voor Statistiek (CBC).

Kaminda ku nan aña 2012 un total di 158.000 turista a yega Boneiru riba un barku krusero, na 2019 esaki a subi te na 458.000.

Den e promé 3 lunanan di 2020, nèt promé ku a krisis di Corona a kuminsá Boneiru a risibí un promedio di 1957 pasahero di barku ti turista pa dia, òf masomenos 10% di su poblashon total.

Desaroyo

Un di e faktornan grandi den e oumento ti e sifranan aki ta ku antes por a mira prinsipalmente barkunan krusero ta bishitá e isla entre e lunanan di novèmber pa mart. For di aña 2016 sinembargo, por ripará ku barkunan di turista a kuminsá yega den tur luna di aña.

Prinsipalmente den último añanan a kuminsá ripara ku hopi habitante di e isla a kuminsá haña e kantidat di turista di krusero a kuminsá bira un molèster. Voral pa loke ta traha e situashon di tráfiko den Playa, ku riba kalke dia ta bastante kompliká kaba, riba dianan ku tin 2 barku krusero den haf ta bira totalmente imposibel.

Estudionan remarká tambe ku e lokual ku un pasahero di un barku krusero ta gasta durante di su bishita na e isla ta un frakshon di e lokual ku un tursita ku ta hospedá na e isla mes ta gasta.

Vishon nobo

Durante di e Pandemia di Corona, Kolegio Ehekutivo a bin ta stipulá un mameno nobo pa loke ta trata turismo di krusero. Asina ke limitá e kantidat di barku ku por yega Boneiru riba mesun dia na 1 pa dia. Banda di esei tin plan pa oumentá e belasten ku kada turista riba e barku mester paga, e asina yamá ‘head tax’ te na 10 dòlar pa kabes.

E plannan di gobièrnu pa rekuperashon di turismo riba nos isla a keda deliñeá den e asina yamá Tourism Recovery Plan (TRP).

E siftanan di CBS pa loke ta trata turismo di krusero por mira aki.