KRALENDIJK- E partido polítiko Movementu 21 (M21), aktualmente parti di e koalishon ku ta forma e konseho ehekutivo, ta premirá un aktitut mas asertivo di parti di Boneiru den su relashon ku Hulanda den e periodo benidero. 

E partido ros ta yega na e konklushon aki despues di reunionan na Hulanda tokante kambionan iminente na e WolBES i FinBES. 

“Boneiru a presentá dos lista di punto, un huntu ku St. Eustatius i Saba, i un for di Boneiru so. Di e lista huntu, 14 di 17 puntonan a wordu aseptá pa Hulanda, mientras ku 11 di 13 puntonan riba e lista di Boneiru a wordu aprobá.” 

Éksito

E partido ta konsiderá e resultá lográ pa e isla komo hopi éksitoso. M21 ta atribuí gran parti di éksito na nan lider di partido, Daisy Coffie. “Daisy Coffie, lider di e delegashon Boneiriano, ta wòrdu aplaudí pa su papel den logro di e éksito aki, ku ta marka un puntu di kambio den e relashon ku Hulanda i ta demonstrá ku lidernan Boneiriano ta defendé e interesnan di pueblo, sin dobla na preshon eksterno,” un komunikado di prensa di e partido ta indiká.