KRALENDIJK – Riba djamars, 30 di aprel 2024, Kuerpo Polisial Hulanda Karibense lo hasi uso di vigilansia di kamara durante aktividatnan na okashon di Dia di Rincon. E vigilansia di kamara temporal aki lo ta parti di un proyekto piloto di KPCN na kua lo investigá si instalashon di kamara móbil pa vigilansia tin balor agregá na eventonan kaminda ta spera un públiko grandi.

Ta instalá e vigilansia di kamara durante e eventonan pa mantenshon di orden públiko, pa un planifikashon di kapasidat polisial efektivo i pa e seguridat di públiko.

Pa e vigilansia di kamara ta hasi uso di 15 kamara na e siguiente sitionan:

• Vigilansia di kamara na entrada di Rincon riba Bulevar Miguel Pourier
• Vigilansia di kamara na altura di Plenchi Nolly Celestijn riba Bulevar Miguel Pourier
• Vigilansia di kamara riba Bulevar Miguel Pourier na altura di Kaya Milon
• Vigilansia di kamara na Plasa Broertje Janga riba Bulevar Miguel Pourier
• Vigilansia di kamara na e krusada di Bulevar Miguel Pourier i Kaya Hubentud
• Vigilansia di kamara riba Kaya Marino Pourier
• Vigilansia di kamara riba Bulevar Miguel Pourier na altura di Sentro di Bario Rincon
• Vigilansia di kamara riba Kaya Commerce na altura di pòmp di gasolin
• Vigilansia di kamara riba Kaya Commerce na altura di Kaya Raymonda (Maritsa) Juan Pedro
• Vigilansia di kamara na krusada di Kaya Commerce i Kaya E.B. Sint Jago

Kiko ta pasa ku e imáhennan di kamara?

Lo prosesá e imáhennan di kamara si tin mester di un bon ehekushon di tareanan polisial diario (Artíkulo 8 Wpg). Lo destruí e imáhennan grabá despues di máksimo kuater siman. Si den kaso ku tin motibu konkreto dentro di kuater siman ku ta suponé ku e imáhennan di kamara ta nesesario pa investigashon di un echo kastigabel, e ora ei por sigui hasi uso di e imáhennan pa e meta aki. E términonan pa sigui hasi uso di esaki ta bálido e ora ei.

Bo a mira algu sospechoso? Yama 717 8000 òf e liña di tep anónimo 9310.