KRALENDIJK—Fundashon Cas Boneriano (FCB) i mental Health Caribbean (MHC) a firma kombenio pa konstrukshon di un edifisio nobo. 

Esaki a tuma lugá djamars 23 di aprel. Na e okashon e direktor di MHC Erik Jansen, a dirigí palabra. “Awe nos ta firma pa un edifisio nobo, kaminda tur ofisina ku diferente deportamentu ta bini. MHC a krese hopi último tempu. Esaki tin di aber ku e kresementu na Boneiru, for di despues di 10.10.10. Tin un kresementu di sikiatra i por papia di mas o ménos 400 hende ta bishita e klínika na Fundashon Mariadal. Un edifisio nobo ta nesesario, poko sentral i e departamentunan konserní huntu. E trahadó ta rekerí un lugá konfortabel pa e traha aden. Un edifisio nobo mas grandi, pa un mihó servisio.” 

“Mi mester bisa ku FCB i MHC tin masha bon relashon di trabou i awor nan a pidi pa un edifisio nobo i amplio. Ta un di nos klientenan i nos ta bai pe. Awe nos a firma ku MHC un proyekto, un kliente di hopi aña i nos ta traha  profeshonal ku otro”, asina director Ben Oleana di FCB a konta.

Mas grandi

Segun Oleana a bisa, mas hende ta bini Boneiru pa biba, mas problema i tambe tin un lista di 1700 hende, pendiente pa un kas. E ta hopi importá, mester evitá mas hende pa krea mas nesesidat riba e isla aki. Nos ta bai traha mas rápido posibel, pa e edifisio ta kla den un tempu kortiku.”

E edifisio ta bini pega ku FCB, parti nort di MBO. E ta bai bira un edifisio di 2 piso.