KRALENDIJK – Riba djaweps 2 di mei banda di 7.40 di anochi, un aksidente a tuma lugá na e krusada ku ta konektá Hanchi Amboina i Kaya Papa Cornes. Shofùr di un pikòp a dal den un siklista. E aksidente hopi probablemente a kousa fraktura serio na e siklista su pia. 

Konforme prosedura a pone e shofùr di e pikòp hasi un tèst di supla i a resultá ku e shofùr tabata bou di influensia di alkohòl. Investigashon mas aleu a mustra ku e shofùr a konsumí mas ku 3 biaha e kantidat permití di alkohòl. 

Pa motibu di e leshon serio ku e siklista a sufri, a sera e sospechoso preventivo ku un máksimo di 2 dia (ku posibilidat di prolongashon) pendiente investigashon. 

Atvertensia

Kuerpo Polisial Hulanda Karibense ta atvertí un i tur ku ta partisipá den tráfiko pa tene nan mes na e reglanan di tráfiko pa seguridat di bo mes i otronan.