KRALENDIJK- A kuminsá inkluí e preis pa kuminda di bestia den e komparashon ku Fundashon Tienda pa Konsumidó Boneiru ta bai hasi mensualmente. 

“E preisnan haltu di kuminda pa bestia por kontribuí na e fenómeno ku mas bestia ta ser hañá riba kaya òf ta ser hibá na asil di bestia. Na momento ku e kosto di bida ta bira mas y mas haltu, ta lógiko pa priorisá hende riba animalnan”, asina Giovanna Frans di FTKPK a splika. 

E fundashon ta bisa ku nan ta spera ku inkluiyendo kuminda di bestia den e komparashon nan por influensiá e situashon ariba menshoná na un manera positivo, dor di informá e komunidat na unda por kumpra kuminda di bestia mas barata.

Subida

Doñonan di animal por a konstatá pa medio di eksperensia propio ku preis pa kuminda di besta, por ehèmpel pa pushi i kachó a subi bastante den e último lunanan.