KRALENDIJK – Tourism Corporation Bonaire (TCB), huntu ku otro partnernan di turismo manera Bonaire International Airport (BIA) i BONHATA, a partisipá na e konferensia Connect na Kòrsou pa diskuti konekshonnan aéreo pa Boneiru.

“Komo parti di e strategia di e komishon di airlift pa Boneiru, nos a establesé nos metanan i ambishonan pa e próksimo tres aña pa loke ta trata servisio aéreo pa nos isla” direktor di TCB Miles Mercera a bisa.

Siguiendo e partisipashonnan di Jetblue, Westjet, Corendon, AA, i otro aerolíneas di Nort Amerika, e enfoke awor ta riba mantene i aumenta e partisipashon di merkado na Nort Amerika i Europa. Ademas, nos ta pone esfuerso pa habri e merkado di Sùdamerika.

Partnernan potensial i eksistente

E siman aki, tin reunionan planá komo follow-up ku partnernan potensial manera Avianca, Azul, Arajet, Suriname Airways. Segun Mercera, partnernan regional manera Zair, Divi Divi, Winair, i JetAir tambe ta parti di kombersashonan.