KRALENDIJK- Bonaire Human Rights Organization (BHRO) a skibi un karta pa promé minister di Kòrsou, Gilmer (Pik) Pisas pa felisitá gobièrno di nos isla hermana ku e afiliashon komo miembro Asosiá di Komunidat Karibense CARICOM. 

Segun BHRO e logro ta marka un kapitulo nobo den Korsou su involvimento ku e region I ta destaka e isla su kompromiso pa fomenta koperashon I integrashon regional mas fuerte. 

“Nos ta konfia ku e miembresia di Korsou no solamente lo kontribuí na e desaroyo i prosperidat di Korsou pero tambe lo fortalesé e lasonan di unidat i solidaridat entre e estadonan miembro di CARICOM” asina BHRO ta skibi den un karta firmá pa James Finies. 

Futuro briyante

Na opinion di BHRO e esfuersonan kolektivo di e komunidat sin duda lo kondusí na un futuro mas briyante pa tur.