KRALENDIJK – E tim sibernétiko di kuerpo polisial Karibe Hulandes (KPCN ta spierta usarionan di partikularmente Facebook pa un tendensia ku por ripará últimamente, kaminda un usiario di Facebook ta ser invitá pa un ‘amigu’ pa invertí den algún tipo di negoshi lukrativo, manera den Bitcoin. 

Akí e usuario ta ser dirigí na algu ku hopi biaha resulta ser un website falsu.

Tambe sa pasa ku un kontakto di Facebook ta pidi telefòn di e usuario di Facebook, bou di preteksto di a pèrdè su number di telefon i si bo ke yuda esaki ku un kódigo ku ta drenta via di SMS. Di e forma aki, e ‘amigu’ ta purba apoderá  su mes di e kuenta di Facebook di e víktima, ku di e forma aki no tin akseso mas di su propio kuenta di Facebook.

Konseho

“No kai den dje”, ta warning e cyberteam. KPCN ta duna algun tip tambe pa prevení e potencial hack. Entre otro ta rekomendá pa kambia password regularmente, no duna login detaya na otro hende i, sobre todo, usa bo sentido komun ora bo ta haña petishon no usual for di ‘amigu’ di Facebook.