WILLEMSTAD – E kompania Turko-Hulandes Corendon, ku ta opera entre otro aérolinea i un kaden di hotèl a desmentí kategórikamente di ta interesá den un kompra di e kompania fayit Jetair Caribbean. 

“Tin rumornan persistente riba ret sosial tokante un supuesto atkishon di Corendon di e aerolínea di Kòrsou, JetAir. E rumornan no ta kwadra ku berdat. No tin ningun tipo di kombersashon tumando of a tuma lugá tokante e tema aki. E rumornan ta kompletamente robes i inkorekto”, segun bosero di Corendon Norman Serphos a bisa djaweps.