KRALENDIJK – Fundashon Tienda pa Konsumido Boneriano (FTPKB) a publiká su komparashon di preis di e luna di mei 2024. E bia aki un total di 17 supermerkado na Boneiru a partisipá den e komparashon di preis.

E komparashon di preis ta mustra luna aki atrobe Caribe Supermarkt a bini dilanti komo e supermerkado ku tin e preisna mas abou. Di e preisnan di e asina yamá lista di base, Caribe Nobo ta e mas barata 29 bia. Ademas e produktonan en kestion,  pa average ta 55% mas barata ku serka kompetidornan.

Bondigro Bondigro, ku e luna aki a partisipá pa e prome bia, a resultá na di dos lugá. E supermerkado ta skor bon, tanto pa e kantidat di produkto nan ku nan tin na stòk komo pa preis. Di e produkto nan den e lista di base, Bondigro tin 20 ku ta e mas barata. Tambien ta nota ku e produktonan aki ta 80% mas barata na otro supermerkadonan.  

Marka barata

FTPKB ta konsehá konsumnan pa wak bon ki produkto di un marka nan ta kumpra.  Tin bes, djies kambiando e marka di mas karu ku produktonan di markanan manera  Gewoon, Essential, Goisco, Jumbo, AH, Everyday i Sapolio por skapa bo bastante plake” asina FTPKB a bisa.