KRALENDIJK – Durante Siman di Muzik pa Mucha 2024, e hobenan di ACE Tweens Club den kolaborashon ku Xechel Jacobs konosi tambe komo Bauco a lansa un album nobo speshal pa mucha i hoben nan ku un total di 8 kantika nobo riba dje. Esakinan a wordu presenta den e show Mi Kultura ta Uniko i tambe ta zonando tur dia na radio.

Speshalmente e kantika Indjan Arowak ku logra kwe posishon #8 den e top 20 di Live99 i ta masha gusta riba kaya. Banda di esaki tambe tin Kustumbernan di Mai ku ta sigur un di esnan mas gusta riba e album. Riba e album tin algu pa tur hende di tur edat, asina famia kompletu por disfruta di e kantikanan aki ku ta papia di nos kultura, histuria, tradishonan i mas.

“Skuche unda ku bo bai, sin wifi”

Despues di basta petishon, ACE Foundation ku sumo plaser ta anunsia ku e album ta dispibel pa kumpra riba un bunita USB stick pa asina por skucha e kantikanan aki unda ku bo bai, sin wifi i sin nesesidat di gasta bo data. Si bonta interesa den e stick bo por bestel na +5997965677 of +5997907762. Tambe nan lo ta dispnibel djaweps i djabierne awor pa kumpra durante di e show ACE-WOOD: One Step Closer to Hollywood ku lo tuma luga dia 4 i 5 di july awor na Jeughuis Jong Bonaire pa 18:30.