KRALENDIJK – Agente di Korps Polis Karibe Hulandes (KPCN) a bolbe detené shofùr den e díanan ku a pasa ku tabata bou di influensia di alkohòl.

Diadumingu mardugá 13 di yüli, banda di 01:45, un hòmber di 38 aña ku inisialnan G.G.S. a wòrdu detené na Hanchi Amboina pa manehá bou di influensia di alkohòl. E sospecho a tabata envolví den un aksidente. Segun e reglanan di ‘botsen is blazen’ a tuma un tes di supla, ku a indiká ku e persona a bebe mas ku e kantidat permití di alkohòl. E shofùr a wòrdu detené i hibá na warda di polis pa un análisis di rosea. Basá riba e resultadonan, a kita su reibeweis for di dje.

Den e anochi di djaluna 15 di yüli, un hòmber di 58 aña ku inisialnan W.A.E. a wòrdu detené na Kaya Andres A. Emerenciana pa manehá bou di influensia. E shofùr tabata envolví den un aksidente, kaminda a drenta den un diskshon formal entre e dos shofùrnan. Despues di un kòntròl adishonal, e sospecho no por a mustra un reibewijs bálido tampoko, i esaki a mustra alabes di ta bou di influensha di alkòhòl.

Después di un análisis di rosea,  shofùr a haña un prohibishon pa manehá durante  10 ora.

Strèng

KPCN a indiká vários biaha ku nan ta pone man duru pa loke ta traha stürmentu bou di influensia. Aña pasá nan a kita reibewijs di un kantidat relativamente grandi di shofùr i pa loke ta trata di e promé mitar di aña esaki no ta kedando atras.