Kralendijk- Segun informashon di KPCN, djadumingo mainta den oranan di mardugá aldedor di 4.30 or a tuma lugá un atrako armá na Te Amo beach. Dos hòmber i un muhé a kita telefònnan selular for di tres persona bou di menasa ku un machete i un kuchú.

Despues di esaki e sospechosonan a subi nan outo i seguidamente e víktimanan tambe a subi nan outo pa bai for di sitio, na momentu ku nan a tende algun klap den banda di nan outo.

E víktimanan a kore bai, pero e ser persiguí dor di e sospechosonan. Aki e víktimanan a disidí pa kore bai dirèkt warda di polis. Segun polis, nan ta investigando e kaso ainda.