KRALENDIJK – Na Flamingo Luchthaven a kuminsá ku e renovashon kompleto di e sistema di Airfield Ground Lighting (AGL), o sea e iluminashon di e pista.

E proyekto ta envolví remplaso di algun shen di lus, sistemanan di kontrol, i mas ku 100 kilometer di kabel pa iluminashon nobo i sostenibel. Despues di un fase preparatorio largu, ku inkluí diseño i destaho, e proyekto awor ta drenta su fase di ehekushon.

Kontratista SPIE, den kolaborashon ku kompania lokal, a perpara un área di trabou banda di e terminal. Den e siman tras di lomba, e promé trabou di kobamentu a kuminsá pa instalá e kabelnan. Ademas, nan a kuminsá ku e konstrukshon di un supstashòn serka di toren, ku lo regulá i optimalisá e transmishon di elektrisidat i kòntròl pa e iluminashon nobo.

Anochi 

E trabou ta tuma lugá parsialmente den ora di anochi, pa asina e operashon na BIA no ta wòrdu strobá.