ORANJESTAD – Un delegashon for di Aruba ta reuní e siman aki ku GOL Airlines tokante metanan di kresementu pa e merkado Brasilero. E delegashon di Aruba tabata konsistí di representantenan importante manera Ronella Croes, CEO di A.T.A., i Jordan Schlipken Croes, A.T.A. Area Director Latinoamérica.

E merkado Brasileño a demostrá un kresementu impresivo pa Aruba i a sera 2023 ku un aumento di 24% kompará ku 2019. Pa yüni 2024, e merkado a aumená ku 33% kompará ku mesun periodo den 2023. A.T.A. tin komo meta pa krese e merkado Brasilero ku 40% den 2025 kompará ku 2024 i pa fortalese e presencia di Aruba den Latinoamérica, inkluyendo Argentina, Brasil, Chile i Peru.

Segun A.T.A., GOL Airlines lo ta crucial den e kresementu aki ku buelo nobo ku lo kuminsá na dezèmber 2024, banda di e konekhonan eksistente di Avianca, Copa Airlines i LATAM Airlines. Durante e reunionnan, e delegashon a topa ku representantenan importante di GOL i operadornan di tour.

Produktivo

A.T.A. i AAA ta satisfecho ku e diskushonnan ku GOL, ku ta wordu deskibí komo produktivo. 

Aruba, huntu ku San Jose i Cancun, ta un di e tres destinashonnan nobo ku lo wòrdu lansá e aña aki pa medio di GOL Linhas Aéreas. A.T.A. ta spera pa un kresementu di 40% den e kantidat di bishitante for di Brasil pa 2025, loke ta nifiká 25.900 bishitante.