KRALENDIJK – Bonaire Bon Transition (BBT) ta ehekutá un destaho públiko pa selektá un partido den merkado pa e kontrukshon di un terminal nobo di kombustibel na Boneiru. Esaki ta un paso importante pa desaroyo adishonal di e infrastruktura di energia di Boneiru.

Riba 4 di ougùstùs 2024, e destaho pa e kontrukshon di e terminal nobo a ser publiká. E destaho aki ta habri pa kompania ku tin eksperiensia den e diseño detayá i konstrukshon di almasenamentu di kombustibel ku ta kumpli ku e normanan mas moderno. Esnan ku ta partisipá den e destaho ta rekomendá pa traha ku kompania lokal mas tantu posibel durante e diferente fase di fe preparashon i konstrukshon. Den e fase di selekshon, ta duna hopi atenshon tambe na medidanan di seguridat i aspektonan di sostenibilidat.

Lugá
E terminal nobo ta destiná pa suministrá, almasená i subministrá kombustibel pa trafiko aéreo, generashon di energia i uso lokal. Despues di investigashon amplio a skohe e luhá parti suit di e aeropuerto. Entre otro, pasobra na e lugá aki por usa e pir eksistente pa suministrá e tankinan i no ta nesesario pa konstruí den laman.

E almasenamentu eksistente na Boneiru ta bieuw i pronto no lo kumplí mas ku normanan di seguridat. Esaki ta pone riesgo pa hende, animal i medio ambiente. A pesar di e esfuersonan den e área di energia renovabel, almasenamiento di kombustibel ta keda nesesario. No tur momento di aña òf di dia por optené sufisiente energia fòr di solo òf bientu. Tambe, ainda tin mester di kombustibel pa yena avion, boto i outo.