KRALENDIJK – Algun empleado di Korps Polisie Karibense Hulanda (KPCN) siman pasá  a partisipá den un kurso intensivo di kuater dia di Staf Grootschalig en Bijzonder Optreden (SGBO), enfoká riba e maného efektivo di krísis, desaster i kalamidat.

E kurso, ku a pone énfasis riba tanto abilidat suave (soft skills) komo duru, a ser siguí tambe pa un kolega di Korps Polisie Aruba. E promé dianan tabata enfoká riba koperashon i komunikashon den preshon, mientras ku e último dianan tabata enfoká riba e abilidatnan práktiko, manera implementashon di e modelo BLOOS IRS. E modelo aki ta sirbi komo un guía pa e eksekushon práktiko di tarea durate un SGBO.

Simulashon

E kurso a ser terminá ku un ehersisio realístiko, ku a yuda pa sigui oumentá e preparashon di e ekipo.