KRALENDIJK- Den e periodo di djaluna 19 di ougùstùs te ku djárason 9 di òktober, agentenan aspirante di Kuerpo Polisial Hulanda Karibense (KPCN) tin treinen i eksamen intensivo di abilidat di kore outo. Durante e periodo aki regularmente lo hasi uso di señalnan óptiko (zwaailicht) i di zonido. 

Bou di supervishon di instruktornan sertifiká di tantu KPCN i di Akademia di Polis, e agentenan aspirante ta haña treinen i ta evaluá nan abilidat kon lihé i, prinsipalmente seif, nan por transportá nan mes di un lugá pa otro den kasonan (di emergensia). E treinen aki ta krusial pa desaroyá e abilidatnan nesesario pa rekshoná efektivamente den situashonnan di emergensia. 

Konsiente

KPCN ta pidi habitante i usuarionan di tráfiko pa ta konsiente di e treinen i pa reakshoná na e manera usual riba e señalnan di emergensia. KPCN ta konsehá tambe pa shofùrnan no drenta den pániko, si no por kita for di kaminda sigui kore tranil, i si ta banda di un rotònde kore un rònchi adishonal pa duna e vehíkulo di polis espasio pa sigui bai