KRALENDIJK- Pa medio di un relashon di kolaborashon entre e partnernan di kadena: Sentro di Informashon i Ekspertisio Regional (RIEC CN), Kuerpo Polisial Hulanda Karibense (KPCN), Koninklijke Marechaussee (KMar), Duana Hulanda Karibense, direktorado di Supervishon i Mantenshon di lei (T&H) di Entidat Públiko Boneiru, e departamento di Inspekshon di labor di e unidat di Asuntunan Sosial i Labor (SZW) di RCN i Servisio di Imigrashon i Naturalisashon (IND), den oranan di mainta di djamars 27 di ougùstùs, a tene kòntròl multidisiplinario na Boneiru na dos sitio den Playa den oranan di mainta di djamars 27 di ougùstùs. 

Durante di e kòntròlnan aki, a kontrolá tur presente riba e dokumentonan di estadia korekto i tambe a chèk riba señalnan di supvershon (ondermijning). Durante di e kòntròlnan a bai ku dos persona. Un persona pa kòntròl mas aleu i un persona, ku ta permanesé di forma ilegal riba nos isla, pa deportashon pa su pais di orígen.

Señalnan investigá ta referí na sospecho di violashon di lei i reglamentu relashoná ku estadia i trabou di estranhero.

RIEC CN ta hunga un ròl krusial den e aserkamentu pa atendé ku ‘ondermijning’* na Boneiru. Pa medio di kolaborashon i kompartí informashon entre diferente instansia ta engrandesé e efektividat di kòntròl- i intervenshonnan, ku komo meta garantisá e seguridat i integridat riba e isla.

RIEC CN ta un relashon di kolaborashon, unda ku RIEC CN ta un aktor sentral relashoná ku konekshon di e partnernan di kadena ku otro. Entre otro pa medio di interkambiá informashon pa atendé ku kriminalidat ku ta mina komunidat, prevenshon i sostené ku preparashon i ehekushon di kòntròl i akshon konhunto.

Supvershon

Kriminalnan ta hasi uzo di negoshi i servisionan legal pa aktividatnan ilegal. Dor di esaki norma i balor i e sentido di seguridat i abitabilidat ta disminuí. E efekto aki yama tambe ondermijning.