KRALENDIJK- Djasabra 31 di ougùstùs, dos insidente nobo di tiramentu a tuma lugá na Boneiru. E promé insidente a tuma lugá alrededor di 7 or di anochi. Un persona deskonosí a lòs bala den laira na Kaminda Lagun. E di dos insidente a tuma lugá alrededor di 40 minüt despues riba un kas situá den bario di Tera Kòrá. Tur dos kaso ta bou di investigashon.

Polis ta pidi kualkier persona ku por a mira algu, a tende algu òf tin informashon relevante, pa tuma kontakto ku polis na 715-8000 òf via di e liña di tep anónimo 9310.