KRALENDIJK – Partido di oposishon Movementu di Pueblo Boneriano (MPB) a manda un karta na gezaghebber John Soliano pa ekspresá nan preokupashon tokante loke nan ta yamá falta di transparansia den e tratamentu di e presupuesto pa 2025.

Segun lider di frakshon Junny Wout, e kolehio ehekutivo no a publiká dokumentonan esensial, manera e konseho di e Kolegio di Supervishon Finansiero (CFT). E konseho akí ta nesesario pa haña klaridat riba con e kolegio a trata e rekomendashon di CFT den e presupuesto.

Además, Wout ta indiká ku falta dokumentonan importante ku mester duna klaridat riba e suma di $11.553.000 ku a wordu añadí na e presupuesto, manera e estudio di Ideeversa i dokumento tokante e subimento di salario minimo.

Públika dokumentonan

MPB ta pidi den su karta pa e dokumentonan relevante wordu públika pronto, pasobra esaki ta esensial pa bon gobernashon na e isla, pa informá bon e pueblo i pa e represéntantenan por hasi nan trabou manera debe ser.