KRALENDIJK – Djamars 10 di sèptèmber Kuerpo di Bombero Hulanda Karibense (BKCN) i Kuerpo Polisial Hulanda Karibense (KPCN) a firma un akuerdo di kolaborashon importante, dirigí riba mehorashon di e suministro di informashon operashonal i e interkambio di informashon entre e dos servisionan di emergensia.

E akuerdo aki ta marka un paso signifikante den fortifikashon di e kolaborashon entre BKCN i KPCN. Meta di e kolaborashon aki ta pa promové e seguridat i abitabilidat den Hulanda Karibense dor di optimalisá e posishon di informashon i fortifiká e kordinashon durante di situashonnan di emergensia.

E elementonan mas importante di e akuerdo ta inkluí seguridat i integridat, privasidat i mas momentonan di kontakto entre e dos kuerponan.