KRALENDIJK – Miembro di Konseho Insular di Boneiru, Benito Dirksz di Frakshon UPB, a partisipa na e training intensivo di “Leiderschap & Politiek” na Kaap Doorn na Utrecht organisa pa Nederlandse Vereniging voor Raadsleden pa lidernan di frakshon di diferente munisipionan Hulandes.

Kaminda entrenadornan profeshonal a enfoka riba entre otro kalidad di liderasgo, efektividad di mantene e balansa sin perde kontrol, konsientisashon pa reforsa funkshonamentu di forma efikas komo lider, e kompas moral i pa kuida nos propio salud mental.

Miembro di 2e Kamer sra. Sandra Palmen di partido Nieuw Sociaal Contract a hiba palabra durante di e training.

Sr. Ruud Niewold di NVR a klousura e training ku e siguiente palabranan, “E berdat no nesesariamente mester ta mei mei. 

Durante di e 2 dianan tambe Konsehal Benito Dirksz  tabatin e oportunidad di por a kombersa ku señora Sandra Palmen, esaki hunto ku e otro miembronan di Konseho Insular di Boneiru Rolanda Hellburg-Makaai i Cyrill Vrolijk .

Diferente enkuentro

Fuera di e 2 dianan di training e lidernan di frakshon di Konseho Insular di Boneiru tabatin diferente enkuentro di suma importansia ku diferente miembro di e kabinete nobo na Hulanda. E enkeuntronan tabata ameno i fruktifero.