KRALENDIJK – Djaweps TUI a presentá e promé punta pa rekargá outo, situá na Chogogo Dive & Beach Resort Bonaire. Antoin Klein Hofmeijer, Hefe TUI Dutch Caribbean a bisa: “Esaki ta e promé punta pa rekargá outo grátis i ta bini 8 mas. Ta bai instalá tambe na Kòrsou i Aruba. Binti aña pasá TUI a kuminsá bula pa Boneiru i Boneiru ta un destinashon importante pa nos. Ta bai sigui instalá mas aparato pa rekargá outo, pa yega un kantidat di 10 punta. Boneiru ta e promé ku nos a instala esaki”.

Urni Rosalia regionale acount mènedjer di Dynaf a papia i a bisa tur hende por hasi uso di e punta pa rekargá outo. E idea ta pa stimulá mas hende pa hasi uso di outo ku ta kore ku forsa di bateria. Despues a sigui ku e parti di rekargamentu di un outo, un parti simbóliko.