Despues ku nos di Konseho Insular a pasa e di dos kambio di presupuesto pa aña 2024, dia 3 di Sèptèmber 2024, i konforme e promé párafo di artíkulo 19  di e lei di Fin Bes, esaki mester pasa pa aprobashon di e minister di asuntu interno di Reino.

Mester publiká e desishon en kuanto e aprobashon konforme artíkulo 19 párafo 5 di FinBes mester  2 siman despues ku a risibié.

Apesar ku oposishon tabata reklamá na un forma mashá negativo den prensa, nan no ta bisa ku entre tantu e Sekretario di Estado i CFT a aprobá e di 2 kambio di presupuesto pa aña 2024.

Konforme e karta nan ta splika ku e kambio ta den balansa i konforme  rekomendashon a pone un presupuesto di mas aña na esaki.

Pa mi esaki ta un muestra ku nos i gobièrnu a hasi su trabou manera debe ser.

Komo miembro di e koalishon mi ta sumamente orguyoso ku nos ta hasi nos trabou manera mester ta.

Ademas mi ta kontentu pasobra CFT tambe ta satisfecho kon a inkorporátur nan rekomendashonnan i ku Konseho Insular no a bini ku ningun amienda den e kambio akí.

Aki por mira ku e koalishon akí ta traha na un manera diligente i serio.

Esaki tambe por a lesa den un otro karta di CFT kaminda nan tabata mashá  satisfecho ku a sòru pa kita e défisit ku e gobièrnu anterior a laga atras.

Kòrda ku ta un défisit di mas ku 3 mion dòler!!

Ademas e koalishon akí mester a ‘clean up’ e bagamunderianan ku e gobièrnu anterior a laga ked’atras di tur e añanan ku nan a sinta.

No ta pòrnada a kalifiká e gobièrnu ayá komo e pió gobièrnu den historia di Boneiru.

Pero awor ku poko poko pero sigur tur kos a kuminsá normalisá i ta wordu profeshonalisá, mi por bisa ku trabounan pa pueblo por kuminsá sali dilanti mas ainda.

Pasobra e gobièrnu akí No ta traha pa kompinchi!! (No lubidá e bendita OVOnan)

E gobièrnu akí t’ei pa traha pa pueblo!!

Tampoko ta asina ku nos no ta hiba polítika sistema bieu i negativo. 

I ta e tipo di polítika akí ta stroba Boneiru di bai dilanti i ta stroba kos so.

Pa logra realisá kosnan konkreto for di Hulanda mester bini ku maneho pretu riba blanku i bon prepará.

Ku palabra bo no ta yega ningun kaminda ku Hulanda,  kòrda ku palabra ta bai ku bientu!!

Komo tal e koalishon i e gobièrnu akí sí ta traha ku su plannan riba papel ku ta bon studiá.

Mi ta sumamente satisfecho di e bon trabou pa loke ta e di 2 kambio di presupuesto pa aña  2024.

I kòrda ku no ta ami so ta bisa asina, Sekretario di Estado di asuntunan interno di Reino i CFT tambe ta di mes opinion.

UN BON TRABOU!!!

Pabien!!!

Delno Tromp 

Miembro di Konseho Insular DP

òktober 2024