KRALENDIJK- Den dianan tras di lomba polis na Boneiru a parti no ménos ku 72 but na tur. Esakinan tur tin di haber ku violashon di regla di tráfiko. 

A parti 28 but pa manehá sin reibeweis bálido, 19 biaha pa korementu sin seguro bálido, 6 biaha pa manehá sin faha di siguridat, 5 biaha pa stashoná robes, 4 biaha pa kore sin plachi number, 3 biaha pa kore sin hèlm, 3 biaha pa kore ku selular den man, 2 biaha pa laga menor di edat stür sin reibeweis i 1 biaha pa kore den verboden. 

Hala atenshon

KPCN ta hala atenshon di un i tur pa nan tin e dokumentunan nesesario, na òrdu. Tambe ta konsehá estriktamente pa kumpli ku e reglanan di Lei di Tráfiko. Ku esaki bo tambe ta kontribuí na un tráfiko seif i sigur riba e isla.