ORANJESTAD – Sint-Eustatius tabata anfitrion for di 4 te 6 di novèmber pa e di dos kumbre tokante integridat riba islanan hulandes na karibe, kaminda e representante di tur seis islanan Karibense i e Ministerio di Asuntunan Interno i Relashon di Reino (BZK) a topa pa kompartí konosementu i best practices rondó di integridat.

Durant e kumbre, e partisipantenan a duna aporte pa e idea di un organisashon karibense pa promoshon di integridat, ku ta fasilitá konosementu i treinen na e islanan.

Gezaghèber Alida Francis di Sint-Eustatius a enfatisá e importansia di integridat den organisashon di gobièrnu den su diskurso di apertura . E kumbre a duna oportunidat pa bai mas den detaye riba tema manera e konstrukshon di un kultura konsiente di integridat i e nombramentu di persona di konfiansa. 

Aparte di esaki, a duna atenshon spesial na e prestashon di Jeaninne Wong-Loi-Sing, ku resientemente a risibí e Ien Dales Integrity Award 2024 na Hulanda.