RINCON – Komishon Herensia Kultural a disidí di hala tur pèrmit aden pa uso di e bandera i e logo ofisial di Dia di Rincon  pa fin di e aña aki. No ta otorgá pèrmitnan nobo pa 2025. A tuma e desishon aki pa protehá e identidat i outentisidat di e evento. 

Mientrastantu a start ku preparashonnan pa Dia di Rincon 2025. E organisashon ta hasi un yamada riba gruponan pa registrá nan mes pa e Parada di Folklor i ta invitá empresa- i spònsernan pa un enkuentro informativo tokante opshonnan pa kontribushon. 

Ta enkurashá habitantenan di Rincon tambe pa ta aktivamente embolbí. “E sosten di komunidat ta esensial pa hasi di Dia di Rincon un fiesta eksitoso ku ta reflehá e orguyo kultural i sentido di komunidat. Ta invitá kada ken ku ke duna un kontribushon na e organisashon, den kua forma ku ta, pa tuma kontakto i mustra su sosten,” segun e organisashon.

Pa risibí un invitashon pa e enkuentro, interesadonan por manda un meil na: [email protected]