Kralendijk- Segun gezaghèber Edison Rijna, aeropuerto di Boneiru tin ku keda habrí a pesar di e echo ku e isla a pasa pa un fase di ‘lockdown’.

Esaki Rijna a bisa den reakshon riba preguntanan ku prensa a hasi na e promé mandatario durtante un konferensia di prensa djamars atardi. “Aeropuerto di Boneire ta hopi importante i ta importante pa buelonan sigui” asina Rijna a bisa. Segun Rijna, nos ta depende di aeropuerto entre otro pa karga ku tin ku yega e isla.

Pasahero

Rijna no a kontestá masha kla ora ta trata buelo di pasahero. Por dedusí for di palabra di gezaghèber ku lo no sera Boneiru pa buelonan di pasahero.

Rijna a bisa si ku e ta fèrwagt ku hopi ménos hende lo bishitá e isla den tempu benidero. “Boneiru awor aki ta un pais di riesgo haltu. Konsiderando esaki, mi ta fèrwagt ku e kantidat di buelo i pasahero lo baha konsiderablemente den e tempu ku ta bin aki”, asina Rijna a splika.

---

Lesa tambe:

• 
  Prevení Zika, Dengue i Chikungunya
• 
  Zulay Nahr ta kompartí alegria di Pasku ku famianan den nesesidat na Boneiru 
• 
  Winair i KLM reintrodusí akuerdo di kódigo kompartí
• 
  Komishon Herensia Kultural ke protekshon pa identidat di Dia di Rincon 
• 
  Caribe Nobo, Bondigro i Warehouse a bolbe resultá ta e supermerkadonan mas barata na Boneiru