Willemstad- E fondo di penshun di Kòrsou ta kuminsá ku desaroyo di un un plan pa krea 165 kavel nobo pa vivienda na Brakkeput Noord.

Segun direktora di APC, Evelyn Kruithof-Bor, tin hopi interes pa e proyekto. “Kòrsou su ekonomia ta pasando den momentonan difisil”, asina Kruithof-Bor a nota. Tòg APC a haña mas di 500 reakshon despues di a anunsiá e proyekto. “Tin hopi interes pa konstruí un kas den e área aki”asina e direktora di APC a bisa.

Bandi di viviendo partikular tin tambe un área pa krea kompleho di apartamento.

Stimulá

Pa medio di diferente proyekto APC ke yuda stimulá e ekonomia di Kòrsou. “Ta bon pa realisá ku proyektonan asina ta krea hopi trabou pa nos isla. No solamente pa kontratista, pero tambe pa tur otro sorto di empresa ku por aportá na e konstrukshon di e kasnan aki”.

Segun Kruithof-Bor, e proyekto di Brakkeput Noord ta un di e diferente proyektonan ku e fondo di penshun ta trahando riba dje aktualmente.