KRALENDIJK- E supermerkado koperativo di Boneiru, Bondigro, ta bai ekspandé i lo bira konsiderablemente mas grandi, kasi dòbel di loke e ta awor aki.

Esaki por komprondé di Vegter Vrugt, ku ta hefe di e supermerkado. “Realmente, nos tabata chikitu kaba for di dia nos a habri e edifisionobo. Semper tin nesesidat di mas espasio pa mas produkto”, asina Vrucht a bisa. Den e plan nobo lo bai amplia dor di agregá un parti na e edifisio eksistente.

E ekspanshon mas grandi no ta bira e parti di produkto friu, si no di otro produkto. “Entre otro nos ke bai ofresé mas produkto di marka, pero na un preis atraktivo”, asina e hefe di Bondigro ta bisa.

Preis

Segun Vrught, klientenan no mester tin miedu ku e ekspanshon lo kondusí na un subida di preis. “Kontrali na otro supermerkadonan komersial, nos no mester gana e invershon aki bèk hasiendo un ganashi”.

E plan ta pa bai amplia e departamentu di muebles tambe, ku lo muda bai na e parti abou di edifisio, ya kliente por yega serka nan mas fásil.

Trabou

E ekspanshon tambe lo ti su efekto pa e kuponan di trabou. Segun Vrught, semper e supermerkado tin oportunidat pa trabou. “Si hende apliká serka nos, kasi semper nos tin algu pa ofresé”, asina Vrught a sigurá.