Kralendijk- Kuerpo Polisial Hulanda Karibense den kolaborashon ku Koninklijke Marechaussee (KMAR) i e direktorado di Supervishon i Mantenshon di Entidat Públiko, a tene un kòntròl multidisiplinario riba kareteranan en konekshon ku e promé anochi di toke di keda na Boneiru.

Segun e ordenansa di emergensia establesimentunan di hòreka mester ta será 8 or di anochi. Mayoria a kumpli ku esaki. Algun tabata habrí ainda i tabata bende bebida alkohóliko. Direktorado di Supervishon i Mantenshon a laga sera e establesimentunan aki.

But
E tim a konstatá ku, no opstante e toke di keda ku a drenta na vigor pa 9 or di anochi, tòg tabatin basta hende den outo riba kaya. Hopi di nan tabatin nan deklarashon di nan doño di trabou i por a sigui pa nan destinashon. Pero pa un total di 23 persona esaki no tabata e kaso. Komo ku e personanan aki no tabatin rason bálido pa no a kumpli ku e toke di keda, nan a haña un prosès ferbal di $150. Na momentu ku no kumpli ku e toke di keda mas biaha, Ministerio Públiko lo subi e suma di e but.

E tim multidisiplinario lo sigui kontrolá di forma aktivo e periodo benidero. Na momentu ku no ta kumpli ku e ordenansa di emergensia lo duna un prosès ferbal.

---

Lesa tambe:

• 
  Caribe Nobo, Bondigro i Warehouse a bolbe resultá ta e supermerkadonan mas barata na Boneiru 
• 
  Kuerpo di bombero Saba ta optimalisá liderazgo i forsa operashonal
• 
  Diskushon tokante salario di griffier Boneiru no ta úniko: Na Hulanda tambe tin diskushon 
• 
  Segun Bonaire Human Rights Organization krísis di klima tin su raisnan den kolonialismo
• 
  Charla: Papiamentu- Idioma di Resistensia