KRALENDIJK- Djaweps atardi WEB a selebrá e echo ku a tuma e planta nobo di awa den produkshon. 

Diferente representante di WEB, e fabrikante di e ekiponan i representante di Gobièrnu di Boneiru a hiba palabra na e okashon. 

Banda di e planta nobo, WEB ta selebrando tambe e echo ku a drecha i a ekspandí e pipa ku awa di irigashon entre Hato ku Belnem. 

Dos selebrashon

WEB a skohe pa tene dos diferente selebrashon na okashon di apartura di e planta nobo. Riba djarason ya e kompania a selebrá e echo ku su pensionadonan. Awe a selebrá e apertura ku otro grupo.

WEB a bisa ku a skohe pa dos grupo mas chikitu pa por opservá tur regla kontra di Covid.