KRALENDIJK- Djabièrne a tuma lugá na ofsina di Kámara di Komersio inisio di Global Entrepreneurship Week 2021 i alabes apertura di‘Bonaire Chamber Art Exhibition 2021’.

Na e okashon diferente hende a hiba palabra, entre otro diputado Hennyson Thielman, komo representante di gobièrnu, Sherethy Kirindongo, komo direktora di KVK i Milagros Blanken, manager di Qredits.

Tur a ekspresá kon entusiasmá nan ta ku e ‘Global Entrepreneurship Week 2021’. E aña aki ta duna oportunidat pa diferente artista presentá algu di nan obranan.

Splikashon

Tambe Sherethy Kirindongo i Milagros Blanken durante e enkuentro a duna un splikashon amplio kiko KVK i Qredits ta para p’e i kon nan ta funshoná pa komersiantenan lokal/chikitu.

E interes ta hopi i djasabra a kontinuá ku e parti di ekshibishon.